ഇപ്പൊ ദിനേശന്റെ ഭാവം കണ്ടാല്‍ ഹിമാലയം കയറി തിരിച്ചു വന്ന പോലുണ്ട് അവന്‍ ശക്തി ആയി കിതക്കുന്നുമുണ്ട്
"എന്താ അത് ?" ഞങ്ങള്‍ എല്ലാവരും ഒറ്റ ശ്വാസത്തില്‍ ചോദിച്ചു
" പറഞ്ഞാല്‍ എനിക്ക് എന്ത് തരും ?"
" നിനക്ക് ഒരു ആന മുട്ട പുഴുങ്ങി തരും ഒന്നെളുപ്പം പറയടാ" മധു അവനു പറ്റിയ ഉത്തരം തന്നെ കൊടുത്തു
ഞങ്ങള്‍ എല്ലാവരും തന്നെ അക്ഷമരാണ് അപ്പോഴാ അവന്‍റെ ഒരു ചോദ്യം
"വാസ്തു പുരുഷന്‍" അല്പം നാടകീയമായി ദിനേശന്‍ പറഞ്ഞു
"അതാരാ വാസ്തു പുരുഷന്‍?" ഫൈസല്‍ ചോദിച്ചു
"ഞാനും കേട്ടിട്ടുണ്ട് അത് വാസ്തു ശാസ്ത്ര പ്രകാരം ഒരു പ്ലോട്ടില്‍ ഒരു പുരുഷന്‍ കിടക്കുന്നതയാണ് സങ്കല്‍പം വാസ്തു പുരുഷന്റെ തല വടക്ക് കിഴാക്ക് മൂലയിലും പാദങ്ങള്‍ തെക്ക്‌ പടിഞ്ഞാറ് മൂലയിലും ആണ് ഉള്ളത് ഇത് ഞാന്‍ പാടെ മറന്നു പോയി " മധു പറഞ്ഞു
"നിനക്കിതെങ്ങനെ കിട്ടി?" ഞാന്‍ ചോദിച്ചു
"കുറ്റിക്കാരന്‍ നാരായണ പണിക്കര്‍ പറഞ്ഞതാ എന്റെ അയല്‍വക്കത്ത് ഇന്നലെ ഒരു കിണറിന്റെ കുറ്റി അടിക്കല്‍ ഉണ്ടായിരുന്നു അപ്പൊ ഞാന്‍ വെറുതെ ചോദിച്ചു നോക്കിയതാ പിന്നെ ഇതും വരച്ചു തന്നു " ഒരു പേപ്പര്‍ കാണിച്ചു കൊണ്ട് ദിനേശന്‍ പറഞ്ഞു
ഞങ്ങള്‍ എല്ലാവരും പേപ്പറില്‍ നോക്കി അതില്‍ വാസ്തു പുരുഷന്റെ സ്ഥാനവും മറ്റുള്ള വിവരങ്ങളും രേഖപെടുത്തിയിട്ടുണ്ടായിരുന്നു
"അപ്പൊ ഇനി എന്താ പ്ലാന്‍?" ബിജു ചോദിച്ചു
"ഇനി നാഗമലയിലേക്ക്‌ " ഞാന്‍ ഉടനെ ഉത്തരം കൊടുത്തു
" നാഗമലയിലെക്കോ????? ഒരു ഞെട്ടലോടെ ദിനേശന്‍ ചോദിച്ചു
"അത് വേണ്ട നമുക്ക് വെറുതെ അപകടങ്ങള്‍ വരുത്തി വെക്കണ്ട " മധു പറഞ്ഞു
"അതെന്താ നാഗമലയില്‍ പോയാല്‍?" ബിജു ചോദിച്ചു
" ഒഹ് നീ ഈ നാട്ടു കാരന്‍ അല്ലല്ലോ ഞാന്‍ പറയാം" ബിജു വിനെ നോക്കി കൊണ്ട് ഞാന്‍ തുടര്‍ന്നു
"ഇപ്പൊ ഉത്സവം നടക്കുന്ന അമ്പലത്തിന്‍റെ കിഴാക്ക് ഭാഗത്ത്‌ മൂന്നു മലകള്‍ കണ്ടിട്ടില്ലേ ? അതാണ് നാഗമലകള്‍ പക്ഷെ ശരിക്കും പറഞ്ഞാല്‍ അതില്‍ ഏറ്റവും വലിയ മലയില്ലേ അതാണ് നാഗമല അവിടെ മലയുടെ ഏറ്റവും മുകളില്‍ ഒരു സര്‍പ്പ കാവ്‌ ഉണ്ട്, വര്‍ഷങ്ങളായി ആ വഴിക്ക്‌ ആരും പോകാറില്ല, വലിയ അപകടം പിടിച്ച സ്ഥലമാണ് അത് എന്നാണ് എല്ലാവരും പറയുന്നത് , അവിടേക്ക് പോയവരാരും തിരിച്ചു വന്നിട്ടില്ലത്രേ, അമ്പലത്തിന്‍റെ അപ്പുറമുള്ള പുഴ കടന്നു വേണം അവിടെ പോകാന്‍ പണ്ടൊക്കെ വന്യ മൃഗങ്ങള്‍ പുഴയില്‍ നിന്നും വെള്ളം കുടിക്കുന്നത് കാണാറുണ്ട് എന്ന് പണ്ടുള്ളവര്‍ പറഞ്ഞു കേട്ടിട്ടുണ്ട്, ഇപ്പോഴും അക്കരെ ചിലപ്പോള്‍ കുരങ്ങന്‍മാരെ ഒക്കെ കാണാറുണ്ട്, ചിലപ്പോള്‍ വല്യച്ചന്റെ പഴയ ഏതെങ്കിലും പെട്ടിയില്‍ അങ്ങോട്ടേക്ക് പോകേണ്ട വഴി കാണും ഇന്ന് ഞാനൊന്നു തപ്പി നോക്കട്ടെ "
"അങ്ങനെ അപകടം പിടിച്ച സ്ഥലത്ത് നമ്മള്‍ പോകണോ?" മധു വീണ്ടും ചോദിച്ചു
"ഞാന്‍ ഏതായാലും ഇല്ല" ദിനേശന്റെ സപ്പോര്‍ട്ട്
"വേണം പോകണം "!!! അത് വരെ ഒന്നും മിണ്ടാതിരുന്ന ഫൈസല്‍ ഇടപെട്ടു
ഫൈസല്‍ തുടര്‍ന്നു
"അരുണ്‍ പറഞ്ഞത് പോലെ ആള്‍ക്കാര്‍ അവിടെ പോയിട്ട് അപകടത്തില്‍ പെട്ടെങ്കില്‍ അതിന്‍റെ കാരണം നമുക്ക് കണ്ടു പിടിക്കണം അല്ലാതെ അപകടം ഉണ്ട് എന്നൊക്കെ പറഞ്ഞു വെറുത ഇരിക്കുന്നതില്‍ അര്‍ത്ഥമില്ല മാത്രമല്ല നമ്മളെ പോലുള്ള ചെറുപ്പക്കാര്‍ ഇതിലൊന്നും ഇറങ്ങിയില്ലെങ്കില്‍ പിന്നെ ഒരിക്കലും ഇത്തരം വിശ്വാസങ്ങള്‍ മാറില്ല അത് കൊണ്ട് നമ്മള്‍ അവിടെ പോകണം ഇതിന്റെ ഒക്കെ രഹസ്യങ്ങള്‍ കണ്ടു പിടിക്കണം"
"ഫൈസല്‍ പറഞ്ഞത് ശരിയാ ഞാനും ഉണ്ട് കൂടെ" ബിജു സപ്പോര്‍ട്ട് ചെയ്തു
"എന്നാല്‍ ഞാനും ഉണ്ട്" മധുവും കൂട്ടത്തില്‍ കൂടി
"എന്നാല്‍ പിന്നെ ഞാന്‍ മാത്രം എന്തിനാ വരാതിരിക്കുന്നത് ഞാനും ഉണ്ട് പക്ഷെ എന്താ പ്ലാന്‍ എങ്ങനെ പോകും ?" അവസാനം ദിനേശനും ലൈനില്‍
അത് നമുക്ക് നാളെ പ്ലാന്‍ ചെയ്യാം ഏതായാലും വല്യച്ചന്റെ പഴയ രേഖകളില്‍ നിന്നും എന്തെങ്കിലും കിട്ടുമോ എന്ന് നോക്കട്ടെ
വൈകുന്നേരം വീട്ടില്‍ എത്തിയ പാടെ വല്യച്ചന്റെ ഇരുമ്പ് പെട്ടി തപ്പി പ്രതീക്ഷിച്ചത് പോലെ തന്നെ ഒരു പേപ്പര്‍ ചുരുളില്‍ എഴുതിയ നാഗമലയിലേക്കുള്ള മാപ്പും കിട്ടി പണ്ട് വീട്ടില്‍ വന്ന ഏതോ ആദിവാസിയോടു ചോദിച്ചു എഴുതി വച്ചതാണ് വല്യച്ചന് അത് ചിലപ്പോ വല്യച്ചന് പ്ലാന്‍ ഉണ്ടായിരുന്നിരിക്കണം അവിടേക്ക് പോകാന്‍ എന്ത് കൊണ്ടോ പോകാന്‍ പറ്റി കാണില്ല
പിറ്റേ ദിവസം വെള്ളിയാഴ്ച ആയിരുന്നു വൈകുന്നേരം സ്കൂള്‍ വിട്ട ഉടനെ എല്ലാവരും ഒന്നിച്ചു കൂടി ഞാന്‍ എന്റെ കൈയില്ലുള്ള പേപ്പര്‍ ചുരുള്‍ എല്ലാവരെയും കാണിച്ചു അതില്‍ നാഗമാലയില്‍ പോകേണ്ട വഴി കൃത്യമായി എഴുതിയിരുന്നു
എല്ലായ്പോഴും പോലെ ദിനേശന്‍ അത് ഞങ്ങള്‍ എല്ലാവരും കേള്‍ക്കെ വായിക്കാന്‍ തുടങ്ങി ................................................................
1 comment:
nalla rasamundu vaayikkan.....
thudaru.....
Post a Comment